માનનીય પ્રધાનમંત્રી શ્રી Narendra Modi જીએ તેમની નેધરલેન્ડ્સની મુલાકાત દરમિયાન ગુજરાતની મહત્વાકાંક્ષી કલ્પસર યોજના સાથે સમાનતા ધરાવતા પ્રખ્યાત ‘Afsluitdijk’ ડેમની મુલાકાત લીધી. કલ્પસર યોજના એટલે ગુજરાતમાં ખંભાતના અખાતના બંને કિનારાઓને જોડતા એક ડેમનું નિર્માણ કરી મીઠા પાણીનું એક વિશાળ જળાશય બનાવી તેના થકી વીજ ઉત્પાદન, સિંચાઈ, ઔધોગિક અને પીવા માટે શુદ્ધ પાણીની વ્યવસ્થા કરતી બહુહેતુક યોજના. માનનીય પ્રધાનમંત્રીશ્રીની નેધરલેન્ડ્સની મુલાકાત દરમિયાન ભારત અને નેધરલેન્ડ્સે ગુજરાતના આ મહત્વાકાંક્ષી પ્રોજેક્ટ માટે ટેકનિકલ સહયોગ બાબતે લેટર ઓફ ઇન્ટેન્ટ (LoI)ની આપ-લે કરી છે, જે અનુસાર નેધરલેન્ડ્સ તેના વિશ્વ પ્રખ્યાત ‘Afsluitdijk’ ડેમ પ્રોજેક્ટના 90થી વધુ વર્ષોના મેનેજમેન્ટના અનુભવ અને નિપુણતાનો લાભ ભારતને આપશે.